Երեխայի քնելու սովորություններն։ Խռռացնել, քրտնել, գլուխը այս ու այն կողմ շարժել և այլն

  • 68
    Shares


“Երեխայի նման քնելն” ոչ միշտ է այնքան խաղաղ, ինչպես հնչում է։ Քնած ժամանակ երեխաներն հաճախ տնքում և նվնվում են, որը կարող է անհանգստացնել ծնողներին, չնայած որ նորմալ երևույթ է։ Բայց երբեմն երեխայի վարքն քնած ժամանակ կարող է ավելի լուրջ խնդիրների մասին վկայել։

 


Եթե երեխան քնած ժամանակ պահում է շունչը

Դուք երևի նկատած կլինեք, որ երեխայի շնչելու ռիթմը փոխվում է, երբ նա քնում է։ Սկզբում նա կարող է արագ շնչել, այնուհետև ավելի դանդաղ, հետո մոտավոր 10 վայրկյան պահել շունչը, վերադառնալ արագ շնչելուն և այսպես շարունակ։ Բժիշկները սա անվանում են “պարբերական շնչառություն”։ Այն շատ տարածված է մինչև 6 ամսական երեխաների մոտ։ Քնի ընթացքում երեխայի շնչառությունը մինչև հինգ անգամ կարող է ենթարկվել այս օրինաչափությանը. ասել է մանկաբույժ Գերի Փրիդն (director of the Children’s Apnea Center at Emory University School of Medicine).

 

Անհանգստանալու հնարավոր պատճառները

Որոշ երեխաների մոտ կա կենտրոնական քնի ապնեա (շնչառության ընդհատում քնած ժամանակ), որի պատճառով նրանք կարող են շունչը պահել մինչև 20 վայրկյան։

Սա նորմալ է և կարող է դեռ չձևավավորված ուղեղային համակարգի աշխատանքի արդյունք լինել։ Բայց, եթե շունչ պահելը 20 վայրկյանից ավելի երկար է տևում, պետք է տեղեկացնել ձեր մանկաբույժին, որպեսզի նա ձեզ ուղղորդի մասնագետի մոտ՝ ավելի մանրակրկիտ ստուգման համար։

Նորածինների ձեռքերն և ոտքերն էլ երբեմն կարող են կապտավուն լինել – սա կարող է լինել, եթե ձեր փոքրիկը լալիս է, հազում կամ մի փոքր մրսում է։ Բայց, եթե երեխայի ճակատը, լեզուն, եղունգները կամ մարմինը գրեթե ամբողջությամբ կապույտ է, հնարավոր է, որ նա բավարար քանակով թթվածին ստանալու խնդիր ունի։

 

Ինչ պետք է անել երեխային օգնելու համար

Երեխային մեջքի վրա քնացնելն միակ ամենաօգտակար բանն է, որ կարող եք անել, որպեսզի օգնեք նրան ավելի հեշտ շնչել։ Բայց, եթե երեխան դադարում է շնչել պետք է զգուշորեն դիպչել նրան , եթե նա չի արձագանքում, ապա նրան անհապաղ օգնություն է անհրաժեշտ։Անհրաժեշտ է անհապաղ զանգահարել շտապ օգնության ծառայություն՝ օգնություն ստանալու համար։

 


Եթե երեխան խռռացնում է

Եթե ձեր երեխան ժամանակ առ ժամանակ խռռացնում կամ փռնչում է , ապա անհանգստանալու կարիք չկա։ Շատ երեխաներ խռռացնում են քիթիկի փակ լինելու պատճառով և դա շատ հաճախ է հանդիպում  կյանքի առաջին վեց շաբաթների ընթացքում։

 

Անհանգստանալու հնարավոր պատճառները

Մշտական  և համառ խռռոցը  կարող է խնդրի մասին վկայել։

 

Ինչ պետք է անել երեխային օգնելու համար

Ամերիկայի մանկաբույժների ասոցիացիան խորհուրդ է տալիս տեղեկացնել երեխայի մանկաբույժին խռռոցի մասին՝  ուղղակի ապահովության համար։ Մանկաբույժը կարող է ստուգել երեխային և խնդիր նկատելու դեպքում ուղղորդել ականջի, քթի կամ քնի մասնագետի մոտ՝  հետագա ստուգման համար։

 


Եթե երեխան քնած ժամանակ շատ է քրտնում

Որորշ երեխաներ քրտնում են քնի խորը փուլի ժամանակ և քանի որ գիշերվա ընթացքում նրանք շատ ավելի երկար ժամանակ են անցկացնում քնի այս փուլի մեջ, նրանք կարող են արթնանալ ամբողջովին թաց վիճակում։

 

Անհանգստանալու հնարավոր պատճառները

Քրտնելը շատ հաճախակի պատահող երևույթ է, բայց չափազանց շատ քրտնելը կարող է խնդրի մասին վկայել։ Օրինակի համար չափազանց շատ քրտնելը, հատկապես ուտելու ընթացքում, կարող է սրտի հետ խնդիրների մասին վկայել։ Իսկ գերտաքացումը կարող է նորածինների հանկարծակի մահվան  սինդրոմի ռիսկ պարունակել։

 

Ինչ պետք է անել երեխային օգնելու համար

Երեխայի քնելու  սենյակը պետք է տաք լինի, բայց ոչ շոգ։ Երեխային հագցրեք այնքան հագուստ, որով ինքներդ հարմար կզգայիք քնել առանց ծածկոցների։ Մի պարուրեք երեխային տարբեր ծածկոցներով և դուրս հանեք օրորոցից ամեն տեսակի բարձերը, ծածկոցներն ու  փափուկ խաղալիքները։

Որպես ոսկե կանոն, հիշե՛ք, եթե դուք շոգում եք, ուրեմն երեխան նույնպես շոգում է։  Եթե տունը հով է և երեխան լինելով թեթև հագնված քրտնում է, ապա անհրաժեշտ է խոսել ձեր մանկաբույժի հետ այս մասին։

 


Եթե երեխան քնած ժամանակ այս ու այն կողմ է շարժում իր մարմինը

Շատ երեխաներ հանգստանում կամ քնում են օրորվելով, օրինակ օրորվող աթոռի վրա։Որոշ երեխաներ ուղղակի օրորվում են անգամ նստած վիճակում։ Սա  սովորաբար սկսվում է 6-9 ամսականում և կարող է ուղեկցվել գլխի շարժումների կամ գլուխը պտտելով։Սովորաբար, սա որևէ էմոցիոնալ կամ վարքային խնդրի նշան չէ։

 

Ինչ պետք է անել երեխային օգնելու համար

Ամենաճիշտը, պասիվ մոտեցումն է այս հարցին։ Եթե երեխան նկատի, որ դուք փորձում եք ստիպել նրան դադարեցնել շարժումները, նա կարող է դա ընկալել որպես մարտահրավեր և ավելի ամրապնդել այդ վարքը։ Եթե դա մեծ աղմուկ է առաջացնում, տեղափոխեք երեխայի մահճակալը պատերից հեռու։

 


Եթե երեխան գլխով հարվածում է տարբեր տեղերի

Մարմինն այս ու այն կողմ շարժելու նման գլխով հարվածելն էլ ինքն իրեն հանգստացնելու մեթոդ է երեխայի համար։ Ավելի ուղիղ ասած, երեխան դրանով կարող է ինքն իրեն շեղել, ասենք ցավից ատամ հանելու շրջանում։ Այն հիմնականում սկսվում է 6 ամսականից հետո և կարող է տևել մի քանի ամիս կամ տարի, բայց երեխաները,  մեծամասամբ, դադարում են գլխով տարբեր տեղեր հարվածել 3-4 տարեկանում։ Շատ հազվադեպ է սա որևէ էմոցիոնալ կամ վարքային խնդրի մասին վկայում։

 

Ինչ պետք է անել երեխային օգնելու համար

Ապահովության համար ասեք այս մասին քո  բժշկին ։Պարբերաբար ձգիր երեխայի մահճակալի պտուտակները ու գնդերիթները։ Ոչ մի դեպքում բարձեր կամ խաղալիքներ մի դիր մահճակալի մեջ։

 


Եթե երեխան քնած ժամանակ կրճացնում է ատամները

Երեխաների կեսից ավելին կրճացնում են իրենց ատամները քնած ժամանակ։ Սա կարելի է հանդիպել գրեթե բոլոր տարիքում, բայց հատկապես արտահայտվում է առաջին ատամիկը հանելու ժամանակ։ Չնայած այդ ձայնը կարող է նյարդայնացնող լինել, բայց այն չի վնասում ոչ ձեր փոքրիկին, ոչ էլ իր ատամիկներին։

 

Անհանգստանալու հնարավոր պատճառները

Երեխաների ատամ կրճացնելու պատճառներից կարող են լինել նոր ատամիկի զգացողությունը, ցավը /ասենք ականջացավ կամ ատամ հանելու ցավ/,դժվարացած շնչառությունը /օրինակ փակ քիթիկից/։

Ինչ պետք է անել երեխային օգնելու համար

Պետք է խոսել այս մասին մանկաբույժի և ատամնաբույժի հետ։Նրանք կպարզեն՝ ինչ է թաքնված ատամ կրճացնելու հետևում և կստուգեն ատամիկները։

 

Թարգմանեց՝ Լիաննա Թորոսյանը

Խմբագրեց՝ Անի Բաղդասարյանը

Աղբյուրը՝ https://www.babycenter.com/0_baby-sleep-habits-snoring-sweating-head-banging-and-more_1467374.bc?showAll=true

Ինչպե՞ս կրճատել գիշերային կերակրումները

  • 68
    Shares