“Տակդիրի” ցան

Գրեթե բոլոր մայրերը և նորածինները ծանոթ են այս ցանի հետ: Այն մաշկի բորբոքում է, որը հիմնականում լինում է երեխայի մարմնի տակդիրով փակված հատվածում: Չնայած այս ցանը կարող է երեխային տհաճությում կան նույնիսկ ցավ պատճառել, այն շատ հազվադեպ է լուրջ բորբոքում նշանակում: Սովորաբար, տակդիրի ցանը կարճ՝ երեք-չորս օր է տևում: Սակայն եթե ցանը չի անցնում, դա կարող է մաշկային ավելի լուրջ խնդիր նշանակել:

 

Տակդիրի ցանի ամենատարածված պատճառներն են՝

• Երկար ժամանակ թաց տակդիրը չփոխելը ,
• Սնկային ինֆեկցիան,
• Բակտերիալ վարակ,
• Ալերգիան տակդիրի նկատմամբ,
• Տակդիրից մաշկի հարվելը:

 

Տակդիրի ցանի նշաններն են՝

• Տակդիրի հատվածում մաշկի կարմրածությունը,
• Աճող դիսկոմֆորտը երեխայի մոտ, հատկապես տակդիրը փոխելիս,
• Փայլուն կամ ուժեղ կարմիր մաշկ,
• Ամոնիակի ուժեղ հոտ,
• Տղաների մոտ՝ բորբոքված առնանդամ:

 

Խնամքը՝

• Լվացեք ձեր ձեռքերը ամեն անգամ տակդիրը փոխելուց առաջ և հետո:
• Երեխայի տակդիրը հաճախ ստուգեք: Միանգամից փոխեք, եթե թաց է կամ կեղտոտ:
• Երեխային լվացեք հասարակ ջրով, իսկ կղանքի դեպքում օգտագործեք հատուկ օճառներ:
• Զգուշությամբ չորացրեք կարմրած մաշկը. մի՛ տրորեք:
• Եթե օգտագործում եք հատուկ թաց անձեռոցիկներ, խուսափեք ալկոհոլ կամ հոտ պարունակողներից: Ավելի լավ է լվալ ջրով կամ սրբել մաքուր փափուկ կտորով:
• Համոզվեք, որ գրգռված մաշկը լռիվ մաքուր է և չոր՝ նոր տակդիր հագցնելուց առաջ:
• Օրվա ընթացքում մի քանի անգամ երեխային մի քանի րոպե առանց տակդիր պահեք:

 

Տարբեր քսուկների, յուղերի և փոշիների նպատակն է՝ հանգստացնել երեխայի գրգռված մաշկը և/կամ ստեղծել պաշտպանիչ շերտ:

• Քսուկը կամ յուղը քսեք երեխայի գրգռված մաշկին այն լվանալուց և լավ չորացնելուց հետո: Ցանկալի է օգտագործել ցինկի օքսիդ պարունակող քսուկներ:
• Եթե օգտագործում եք երեխաների համար նախատեսված փոշի, ապա այն հեռու պահեք երեխայի դեմքից, քանի որ երեխան կարող է այն շնչել:
• Խուսափեք ստերոիդ պարունակող քսուկներից. օգտագործեք դրանք միայն բժիշկի նշանակմամբ:

 

Խորհրդակցեք մանկաբույժի հետ, եթե՝

• Չորս օր հետո դրական փոփոխություն չեք նկատում:
• Վիճակը գնալով բարդանում է:
• Ցանը թեփոտում է և ունի դեղնավուն երանգ, ինչպես նաև տարածվում է մարմնի այլ մասերում՝ ականջի հետևում կամ թևատակերի տակ:
• Տակդիրի տակի մաշկը պատված է բշտիկներով, որոնք մակերեսային, կարմիր և ցավոտ վերքեր են դառնում:
• Ձեր տղա բալիկի առնանդամը ուռել է և կարմիր է, դուք չեք կարողանում հեռացնել վրայի մաշկը, կամ առնանդամից կա կանաչավուն արտադրություն:
• Եթե նկատում եք սպիտակ կետեր բերանի մեջ, որոնք կարմրում են մաքրելուց հետո:

 

Ցանկացած մաշկային խնդրի դեպքում խորհուրդ է տրվում դիմել մանկաբույժի կամ մանկական մաշկաբանի օգնությանը:

Կազմեց և թարգմանեց՝ Քրիստինե Բարսեղյանը

Նյութը թարգմանվել է հետևյալ աղբյուրներից՝

 

http://www.webmd.com/parenting/baby/baby-skin-rashes

http://www.whattoexpect.com/first-year/photo-gallery/baby-skin-conditions.aspx#16

http://www.webmd.com/parenting/baby/baby-eczema-questions-answers

http://www.webmd.com/skin-problems-and-treatments/eczema/child-eczema-14/allergies