Կրծքով կերակրման աղյուսակ ամիսներով | |
Երեխայի տարիք | Կրծքով կերակրման ռեժիմ |
1 ամսական | Երեխան կուրծք է ծծում ըստ պահանջի, հստակ ռիթմ դեռ չկա, կերակրումների հաճախականությունը կարող է շատ հաճախակի լինել, բայց ոչ 2-3 ժամը մեկից պակաս, գիշերը՝ յուրաքանչյուր 3-4 ժամը մեկ։ Կերակրումների տևողությունը կարգավորում է փոքրիկը, կարող է երկար « կախվել » կրծքից, միջինում ծծում է 15 րոպե, բայց կարող է և 40-60 րոպե կուրծքը բաց չթողնել ։ |
2 ամսական | Հիմնականում պահպանվում է առաջին ամսվա ռիթմը՝ յուրաքանչյուր 40 րոպե -2 ժամը մեկ ցերեկները և 2-5 անգամ գիշերները։ Կանանց մեծամասնության մոտ պտուկներն արդեն հարմարվում, ադապտացվում են երեխայի բերանի խոռոչի առանձնահատկություններին և կերակրումներն անցավ են դառնում։ Եթե դա այդպես չէ, դիմեք կրծքով կերակրման խորհրդատուին ։ |
3 ամսական | Կերակրումների ռեժիմը սկսում է կարգավորվել՝ մոտ 6-8 անգամ ցերեկները և 2-5 անգամ գիշերները։ Կերակրումների տևողությունը կրճատվում է, կարող է բավականին շատ կարճատև կերակրումներ լինել, բայց պահպանվում են քնելու շրջանում համեմատաբար երկար մոտեցումները ։ |
4 ամսական | Կերակրումը մնում է բացառապես կրծքով՝ առանց ջրի կամ հավելյալի ներմուծման։ Երեխան սկսում է կուրծք ավելի հազվադեպ խնդրել, բայց անհրաժեշտ է հետևել, որ ամեն անգամ կրծքով քնի ։ |
5 ամսական | Այս տարիքում երեխաների մոտ լինում է 6-8 կերակրում ցերեկը և 2-3 ՝ գիշերները։ Երեխաները հաճախ շեղվում են կրծքից և ցերեկը երեխային կերակրելը շատ մայրիկների համար պրոբլեմային է դառնում ։ |
6 ամսական | Կրծքով կերակրումը սկսում է համատեղվել հավելյալով։ Կուրծք առավել ակտիվ ծծելու ժամանակահատվածը տեղափոխվում է դեպի գիշերային քնից զարթնելուն նախորդող մի քանի ժամը։ Առավոտյան փոքրիկը կարող է շատ հազվադեպ մոտենալ կրծքին, փոխարենը երեկոյան չհեռանալ կրծքից։ Հիմնականում պահպանվում են օրական 9-12 անգամ կերակրումները ։ |
7 ամսական | Պահպանվում կրծքով կերակրման մեծամասնույթունը հավելյալին զուգահեռ։ Փոքրիկը կարող է գիշերներն առավել ակտիվ կուրծք ծծել, կարծես կոմպենսացնելով նվազած ցերեկային կերակրումները։ Օրական 10 կերակրում (իսկ կարող է և ավել) ։ |
8 ամսական | Կարող է սկսել կսմթել և կծոտել մոր կուրծքը։ Ցերեկային մոտեցումները կարող են լինել հազվադեպ, իսկ գիշերայինները՝ հաճախ։ Եվ հակառակը ։ |
9 ամսական | Փոքրիկներն արդեն կարող են 3-4 ժամ մնալ առանց կրծքի և մայրիկներն արդեն կարող են օգտվել դրանից՝ առանց փոքրիկի տնից կարճ ժամանակով բացակայելու համար։ |
10 ամսական | Այս տարիքում մոտեցումները կարող են հաճախանալ։ Երեխաները կարող են 1 կերակրման ընթացքում երկու կուրծքն ուզել։ Գիշերային կերակրումները պահպանվում են նույնապես ։ |
11 ամսական | Կերակրումը կրծքով է օրական 1-2 անգամ լիարժեք հավելյալով։ Գիշերը փոքրիկն առավել ակտիվ կարող է կուրծք ծծել առավոտյան 4- ից հետո։ |
12 ամսական | Ռեժիմը նույնն է մնում, բայց կարող է ավելի հաճախանալ ատամ հանելու ֆոնի վրա։ Ցերեկային քունը կրճատվում է մինչև օրական 1-2 անգամը, փոքրիկը պարտադիր ծծում է քնելուց և զարթնելուց, ինչպես նաև գիշերը ։ |
1 տարեկանից հետո | Կրծքի կաթի սնուցող ֆունկցիան երկրորդային պլան է մղվում, գլխավորն այժմ իմունիտետի պաշտպանությունն ու մայրիկի հետ շփումն է։ Ցերեկը մայրիկն ինքը կարող է հեշտությամբ կարգավորել կերակման տևողությունն ու տալ կուրծքն այն ժամանակ, երբ իրեն է հարմար։ 1.5 տարեկանին մոտ կերակրումները կարող են հաճախանալ։ Այս տարիքային առանձնահատկությունը բոլորին չէ, որ ուրախացնում է։ Սակայն մայրիկի հոգնածությունն այս շրջանում ոչ թե կերակրման, այլ փոքրիկի բարձր հետաքրքրասիրության հետ է կապված։ Կերակրումները կարող են օգնել մայրիկին փոքրիկին գրկած մի փոքր ավել հանգստանալ ։ |
2 տարեկանից հետո | Կրծքով կերակրելը քննադատաբար է ընկալվում։ Սակայն դա սոցիալական անընդունելիություն է։ Երկարատև կուրծք ուտելը չի առաջացնում սխալ կծվացք, մոր օրգանիզմի հյուծում, երեխայի չափազանց երեսառածություն։ Բացառիկ դեպքերում է, որ անհատական ռեակցիաները բերում են ֆիզիոլոգիապես հիմնավորված կրծքից կտրման։ 2 տարեկանից հետո կկ - ի ռեժիմը շարունակում է փոփոխվել։ Կրծքով կերակրումների քանակը նվազում է մինչև օրական 3-4 անգամը։ Կուրծքը քիչ - քիչ իջնում է և դադարում է գերլցվել նույնիսկ երկարատև ընդմիջումներից հետո ։ |
3 տարեկանից հետո | Կուրծք ուտելը զարմանալի է շրջապատի, բայց ոչ անթրոպոլոգների համար, քանի որ համապատասխանում է մարդու ԿԿ միջին տևողության մեջ (2.5-7 տ )։ Կենդանիների հետ համեմատելով՝ մարդու կրծքով կերակրելը պետք է մոտավոր տևի 4.5 տ։ 3 տարեկանից հետո կկ ռեժիմ՝ հազվադեպ մոտեցումներ կրծքին, երեխաներն իրենք էլ սկսում են մոռանալ կրծքի մասին։ Երեխան սովորում է քնել առանց կրծքի, մոտեցումները կարող են օրական 1-2 անգամից ոչ հաճախ լինել, և անգամ մի քանի օրը մեկ։ Այս շրջանի կրծքով կերակրման պահպանումն ազդում առողջական հեռակա ազդակների վրա, նաև օգնում է երեխային մանկապարտեզում հեշտությամբ անցնել ադապտացիոն շրջանը։ |
Թարգմանեց Էլլա Ավագյանը
Աղբյուրը` https://goo.gl/OFXcqu